لغز بدوي

يا ويش شيخا كل همه ركوع وسجود، جسمه نحيل ودمع عينه جاري، ملازما للخمس والناس في هذا شهود، يعمل طوال العمر في خدمة الباري.

ويش رجلا يندبونه في المواقف الخطيرة، والمعارك خاضها والبطن مليان أطعونه، جاء منها بالغنيمة يا عسى في الأمر خيره، هو جزاء من خاض بالميدان قاموا ينطلونه.

أنشدك عن شي وجوده ولا شي، يفزع الياحس الزعيم باهلا كي، ينقـذ الزعيـم إذا مر في موقف سي، أليا شارف للخطر والهلاك.

أنشدك عن غذرى باسم رجال، لو يجتمع كل البشر ما قدرها، حراسها رجلين ما هم عقال، لا كن لا يمكن تعدى أديرها.

انشدك عن رجل كبير مقامه، يأمر وينهى دون رجلين ويدين، أحيان الناس تبغي منه السلامة تمشي في دربه في جميع الميادين.

أنشدك عن غذرى ضعيفا جسدهـــا، محشومة بين الرجال المناعير، ترد سلفان كثيرا عددها، تردهم إذا نوو المحادير.

سيف سحبته يا فتى في يميني، واليا سحبته تعجبك لمحة أضواه، عده على الخطار، والغانمين، تراء صعبة ردة السيف بخاه.

أنشدك من غمرا شبابه أسبوعين، وبعــــــد أسبوعين ينثني شايب، وكلا يحبه غير طلابه الدين،

ومدورة ألا فـاق فوق النجايب.

أنشدك عن ثنتين في موقع الياس، الله خلقهن في الأوادم علامة، لا هن ولد جن ولا هن ولد ناس من رافقنه ما تشيله أعظامه.

وش لك من عذرى تستر الناس والناس تعشقها ولا هي عشاقه ما تأخذ إلى من توده وبقياس كمواحدا جاها وانحاش من غثاها.

ياويش شي فيه خمسة رياجيل لا انس ولا جان ولا هن بضاعة أولهم اليا مات باقي بهم جيل صاروا ثمان كلهم جماعة.

أنشدك عن شايب في وسط صندوق يعطي أعياله كل ما دار راسه لهم على الشايب مطاليب وحقوق، وبتوزيع عيشتهم يذوق التعاسة.

أنشدك عن عذري رقيقة حال لها في كل الأمر سرية عذري لجيل يعقب أجيال بأمر من الوالي رب البرية.

أنشد العربان واللي فاهمين

عن عيال شكلهم شكل البنات

دايماً بين العذارى جالسين

والعذارى هم كذلك جالسات

هم جماد وشوفهم متحركين

كل واحد له حياة وله ممات.

أنشدك عن بنتين ما بينهن فرق

قِدْم أمّهن وحده، ووحده وراها

لا غربت وحده تصير اختها شرق

ووجيهن ما يخـتلف محـــتواها.

أبنْشــــــد اللــي كـلْ لغْـزٍ يهـــمّـه اللي يحـــل اللــغـــز دايـــم تمـــامِ

ويش الغلام اللي لْصـــدرك تضـمّه ولا مـــقصـــدك تقديــرٍ واحـتـرامِ

يفــزع لكم كان الخـطـر حــلْ بأمّـه وفِعْل السبب مطلوب يا ابن الكرامِ.

يـا ويـش بـنـت دايـمٍ ترفـــع الراس كلٍّ لها من النــاس راســه يوطــيه

ترفع جميع الروس من خلقة الناس ومن تــرفــعه ربــّـه يميته ويحييه.

أنشدك عن عذراء عيشته رأس رجال تاكل وماكولها ما نفعها

رجالها من أحمر الدم ما سال ياعونة الله ما يحس بوجعها.

ويش بنتين على روسهن عدة عيال هن خوات وكل وحدة تشيل عيالها

وحدة يوصف بها الطيبين من الرجال واختها ما هوب فال النشامى فالها.

أبنشدك عن ورع في بطن أمه مسدوس أسود سواد الليل من دون عمه

إليا ذبحت أمه طلع مثل جاسوس واليا طلع علم على ذابح أمه.

أبنشدك عن عذرى لها عدة عيال وعيالها في بطنها من حديده

واذا ضربنا راسها تلد بالحال ويطلع ولدها ويمسك إلي يصيده.

أسألك عن بنت ملحفة بالعباية عباتها من جنسها بضع لفات

إذا كشفت لبوسها لنهاية تذرف على خدك من الدمع عبرات.

أنشدك عن رجل يتعب لغيره ياكل ولا هب من أكله مستفيد

يخدمـك والله أعلــم بتدبيره يمشي بأمــرك وعلى ما تريد.

رجلٍ حسين الطول والحسن وزي لبس العذارى واخذٍ من صفاتـه؟

سيف سحبته يا فتى في يميني، واليا سحبته تعجبك لمحة أضوائه، عدة على الأخطار والغانمين، ترى صعبه ردة السيف اللغز بخاه.

ويش شـيء نشـأ بأمر رب يشأ إن جمعتـه حصا وإن تركتـه مشا، وإن طبختـه على النـار يصبـح عشا؟

أنشدك عن رجلٍ رفيع وقـاره رجـلٍ بدونـه مـا تقلـط رْبوعـه

طيّب، وطيبه بس خارج دياره ولا بْـداره مــا تبـيـن نفـوعـه.

ورع صغيـر وجاب بنت صغيره يا ما بها حلّـت كثير الشكلاّت

البنـت معروفـة في كل ديـره ومصـدّق قولــه بكل الـدّيانـات.

أنشدك عن رجل له عيون وأذان وإذا بغيت نفعه تربط أذانه

الله خلق له روس من دون ميزان سبحانه الخالق مزين مكانه.

أنشد عن الرجال والزول زوليــن يركب على الرجال بنتٍ تضـمّـه

يمشي على دربٍ تهابــه سلاطين يمشي على درب الخطــر ما يهمّـه.

من يجيني يا عرب باخبار قوم من عرفناهم على ظهر الذلول

من عرفناهم وهم في حال نوم صايمينٍ كل أيـــــــــــام الفصول

نايمين ما بهـــــــــم حيٍّ يقوم من قديم ومن قبل عهد الرسول.

أنشدك عن رجل يخيفك بطاريه من هيبته كل المخاليق تخشاه

رجل يعطيك الحق لاصرت تعطيه وكلن يعرفه في علومه وطرياه.

أنشدك عن صياد يبي الصيـد والمنفعـة إن صاد صاد اثنين وإن أخطأ صاد أربعة.

أنشدك عن عذرا لها الناس خلان أهل الصخى لولاه ويش يعملوني

لاشافها المشتاق لو كان عمسان راح العمس من حاجرات الجفوني

غدا لها تاريخ في كل ديوان وضحتها من شــــان ما تبلشوني.

ياويش عود غربلوا به عياله المسكيـن مـا يرحمونـه

ما عاد ياقف لحالـه كود إنهم برماحهـم يطعنونـه.

أنشدك عن سود حلال أكلهن وأمثالهن بيض حرام للبشر.