:
عندي عجمي يرتع غي ف الندا، غريي ادجو عجمي ايهدا غير ذي الندا؟
الموس
رحية فوق رحية والرحية ماطحنش، والرويس رويس اللفعة واللفعة ماتقرسش؟
الفكرون
يقطع الواد وما يسرد؟
الظل.
قدها قد الدبزة وفايتة السلطان في اللبسة؟
البصلة
راه راه و الغوت وراه؟
اللص
بقرتنا كحلة غرة ، ذبحناها فوق كهف عالي ،اللحم رميناه و الدم بعناه غالي؟
الزيتونة
طيها طي كتاب و لونها لون غراب؟
الخيمة
ثلاثة وقوف، والرابع ملقوف، و الخامس يضرب و يشوف؟
الشكوة و الأعمدة المدلاة فيها و المرأة المعدة للبن.
زينها ظريف، أولادها يتنزهو في كل ريف؟
الصينية
لقيمة فوق عويد؟
كرموسة ( فاكهة التين).
مدينتنا حمراء، سوارها خضراء، سكانها عبيد، و سوارتها من الحديد؟
الدلاحة
ديتك حتى للخلا و قجيتك؟
العطش
كلبتنا الهبهابة تخرج السبع من الغابة؟
الكلبة هي المشطة، والسبع هو القملة.
يه تيه و للي جا يديه؟
الغربال.
تاكل ما تشبع ، و يلا شربت تموت ؟
النار
كتوصل عند الجامع وتحشم ؟
البلغة
تذبحها وتبكي عليها ؟
البصلة
يظل مكسي ويصبح عريان ؟
المغزل
ثورنا الأدبس غادي ويلحس؟
موس الحلاقة
طولها طوال وماعندها خيال ؟
الطريق
حاجيتك على الحا والحا حمرا في البنات وخضرا في النبات ؟
الحناء
تمشي بلا رجلين، وتبكي بلا عينين ؟
السحابة
تفاحة شافوها اثنين وحملوها خمسة واكلوها اثنين وثلاين ودخلت بطن واحد ؟
اللي شافوها هما العينين، اللي حملوها اصابع اليدين ،اللي اكلوها الأسنان وعددهم 32 سن ، بطن االشخص اللي شافها.
كرشو عود وظهرو عود، جنابو جلود، منقارو فجهنم ممدود؟
الرابوز.
غار فوقو غارين فوقو نورين فوقو غابة ؟
الفم، الأنف، العينين، الحواجب والشعر.
بير فوق بير او كل بير بغطايتو "وانو خ وانو أمان والو" ؟
القصبة.
حاجيتك على حاجا عندها سنان ومكتعضش ؟
البروسا أو المشط .
رزمة مرزمة وسوارتها في السما؟
المرأة الحامل
دارنا عامرة عبيد مايحلها غير الحديد؟
الدلاحة
غارس الكرعين في الطين ويعاند الطايرين ويشرب القهوة وفناجلو خاويين؟
العمود الكهربائي وكؤوسه
ياها ياها يا مزينة لغاها، يا محرومة اللحم و ينتكل لباها؟
الدلاحة
بنت السلطان في حجر الحلوف؟
الخبزة في الطاجين
حمرة سمطة.. ماتبكي.. ماتشكي.. صابرة على هموم الدنيا؟
الأرض
السين بنت السين.. ماهي سلسلة ما هي سكين.. ماهي من حروف البناية؟
السفينة – البابور
الصبا بلا تبن؟
الملحة
جا فالسما يتحلحل خطف الشهدة وخلا النحل؟
المنجل والسبولة
تبدا بالسين والسين عندو شلا يتامى، أمهم في الجنة وباهم في جهنم؟
الصينية والكيسان، والبراد و المقراج
مطمورتي بين الجبال ماعرفتها لا حمص ولا جلبان ؟
الكرش
جوج اخواتات مشابهات، وحدة ربطت الحنا وحدة مابغاتش؟
خزوا واللفت
جوج طلبة وصلو الواد ؤ حشمو (اثنين الطلبة ايوضن إغزر إحشمن)؟
جوج بلاغي
وج خوت مايتسالموش؟
الحيطان.
3 اخواتات مشابهات وحدة ف السما علات، وحدة ف الأرض غبرات، وحدة تلعب ف الطلحات؟
الرمانة، البصلة، الكرة.
كركور راشي يخرجو منو الغاشي، الحيبور والحيبورة متعقلهومش حتى يديرو شواشي؟
كركور راشي هو البيض ، يخرجو منو الغاشي هما لفلالس ، الحيبور والحيبورة متعقلهومش حتى يديرو شواشي : ما تفرق الفلوس من الفلوسة حتى يكبر ليهم الطربوش فوق الراس .
كمشة صوف تبات تشوف؟
الكلب
ربعة الطلبة قطعوا الواد ؤ ماتنفخوش ( ربعة ن الطلبة زوان إغزر اوروفن ) ؟
البكرة والمرضع
حاجيتكم قدوا قد المهراس صوتوا صوت التراس؟
الديك
ماهو الشيء الذي نمتلكه نحن ولكن غيرنا يستعمله اكثر منا؟
اسمك
حانجيتكم هاهو هاهو وماينشافش؟
الهواء
جوج اخواتات مشابهات، وحدة دخلت السوق وحدة مابغاتش؟
الدجاجة والحجلة.