اتنين مساطيل دخلوا امتحان، الأول بيسأل التاني عملت إيه قال له سبت الورقة فاضية الثاني رد عليه وقال له كدا هيفتكرونا غاشين من بعض.
مرة واحد بيسأل صاحبه في الامتحان وبيقولوا السؤال الأول، صاحبه قال له مالو راح رد عليه قال له بيسلم عليك يا فهيم.
مرة مدرس علوم بيسأل طالب إيه سبب زيادة ضربات القلب، رد طالب وقال له الامتحان يا أستاذ.
مرة مدرس بيصحح ورق الامتحانات شاف الورقة مكتوب عليها لو راجل متفتحهاش، بعد ثلاث ساعات الفضول هيموتوا راح فتحها، لاقي مكتوب فيها برضه فتحتها يا محترم.
مرة واحد ابن جزار عرف يحل سؤال في الامتحان، قام دبح عجل.
مدرس بيقول للطلبة في الامتحان محدش يكتب حاجة على ورقة الأسئلة، راح رد عليه تلميذ هو احنا عارفين نكتب حاجة في ورقة الإجابة عشان تكتب في ورقة الأسئلة.
مرة مدرس بيسأل تلميذ ماذا تعلمت من المدرسة، التلميذ رد وقال له تعلمت ألا أنظر خلفي إلا في الامتحان.
مرة أب دخل على ابنه ليلة الامتحان شافه بيلعب، قال له هتحل ازاي بكرا في الامتحان، رد الولد وقال له بالقلم.
محشش بيدعي للطلاب بمنسابة الامتحانات نتمنى لكم غش مستور وبرشام منصور ومراقب طرطور.
عروض الامتحانات رهيبة السنة دي، (ليه تشيل مادة!! لما ممكن تشيل مادتين شيل واحده وخد التانية هديه) (ليه تشيل لوحدك!! شيل انت وصحابك مع نظام افشل ناس اختار ثلاثة من أصحابك يشيلوا معاك.
طالب فقد الأمل في الاختبارات بأن يأتي بكلمة صحيحة، فقام بتكرار عبارة واحدة على جميع أوراق دفتر الامتحان، وهي : الإجابة خلف الورقة، ثم كتب في الصفحة الأخيرة: بتدور على إيش يا أستاذ؟
معلم يسأل الطلاب في الامتحان لماذا القلب يدق، كانت إجابة التلميذ: علشان المعدة ترقص.
بدأ حصريا على قناة (احنا مش نافعين) الفيلم المرعب (الامتحانات)، الحائز عل جائزة (كله كلام فارغ ) لتعذيب الطلاب، بطولة عدد كبير من الدكاترة.
اتفق احد التلاميذ الكسالى مع زميله على أن يكتب له إجابه الأسئلة في ورقة خارجية , ويعطيه اياها اثناء الامتحان , وبالفعل نجحت الخطة , ولكن عند تصليح المعلم للأوراق وجد المدرس عبارة في آخر ورقة الطالب الكسول: إذا شافك الأستاذ قطع الورقة.
اثناء احد الامتحانات قام احد التلاميذ بالغش فنقل قاعدة الرسم الهندسي من الكتاب . ومن العجله كتب الجملة الي في الكتاب " انظر الشكل رقم1 صفحة 6"
طالب خلط بين طول قطر الدائره , وطول محيطها فرسم دائره كبيره لم تستوعبها ورقه الاجابة , فكتب للمدرس :" باقي الدائرة مرسومه على الطاولة"
طالب كسول جدا وكان المعلم دائما يحثه على المشاركة والتفاعل لكن بدون فائده , وذات مره سأل المدرس سؤال فرفع يده بسرعه فشعر المدرس بالسعاده , فقام الطالب وقال : أستاذ تسمح لي اذهب الى المراحيض
سأل المعلم احد طلابه : ما معنى كلمة سبيل؟ فقال: تعني طريق. ثم سأل طالبا آخر: ما معنى كلمة سلسبيل؟ فأجاب: طرطريق!
مدرس بيقول لطالب ادخل كلمة (ناقص) فى جملة قاله : وناقص تقولي اعربهالي.
نحن قوم لا تهزنا رياح عاتية، ولكن تهزنا ورقة فيها أجب عن الأسئلة الآتيه ؟
محشش بيحكي لصاحبو: أنا شايل هم الامتحانات اوى وعايز اذاكر ، رد عليه صاحبو طيب وبتذاكر ؟! رد عليه لاا بشيل الهم بس.
تحية محشش: تحية لكل طالب لما بيمتحن مش بيبقى عارف الامتحان سهل ولا صعب.
محشش سألوه بالإمتحان: ما هي المياه العذبة، فأجاب : هي المياه الغير متزوجة .
الدكتور: ايه رأيك في الامتحان الطالب : حلو يا دكتور، الدكتور: واما هو حلو سايبه الورقه فاضيه ليه، الطالب: مبعرفش ارد على الكلام الحلو يا دكتور.