أبو العبد و أبو صطيف و أبو عمر قاعدين بالمستشفى بستنوا نسوانهم لحتى يخلفوا !! المهم و هم ناطرين قام ابو عمر وقال، والله يا شباب مبارح حضرت فيلم عنتر و عبلة !! وبنفس اللحظة اجت الممرضة وقالت، مبروك ابو عمر !! اجاك توأم ولد و بنت !! قام أبو صطيف وقال، والله يا شباب مبارح حضرت مسرحية المشاغبين التلاتة !! و بنفس اللحظة إجت الممرضة وقالت، مبروك عمو أبو صطيف إجاك 3 ولاد مرة وحدة !! قام أبو العبد وقع على طول و أغمى عليه !! ركضوا الناس عليه ليشوفوا شو صارله !! شو فيه يا أبو العبد ؟؟ قام أبو العبد وقال ، اتركوني بحالي ولي على قامتي !! مبارح كنت عم بتفرج على فيلم علي بابا والأربعين حرامي.
أبو العبد، صارلي شهر بحاول أبيع هالسيارة مش عارف أبيعها !! أبو صطيف، شو نوع السيارة ؟ أبو العبد، رينو 5 أبو صطيف، فيه حدا بيشتري رينو 5 بهاي الأيام !! أنا لو محلك بشيل علامة الرينو و بحط محلها علامة مرسيدس !! على طول بتنباع معك السيارة !! بعد شهرين التقى أبو العبد مع أبو صطيف !! أبو صطيف، إن شاء الله بعت السيارة يا أبو العبد ؟ أبو العبد، شو مفكرني أهبل .... فيه حدا عنده مرسيدس ببيعها.
صحافية سألت أبو العبد، شو نسبة البطالة في لبنان ؟؟؟ أبو العبد، ما بعرف بالزبط بس اللبنانية كلهم أبطال.
أبو العبد راح عالمخفر حتى يبلغ عن مرته اللي صارلها إسبوعين ما رجعت عالبيت... أخذ ابنه الصغير عبد معه، الشرطي سأله، شو هي مواصفات زوجتك؟ رد أبوالعبد : طويلة, شقرا, حلوة, وعيونها خضر. ولا ابنه عبد بيقاطعه وبيقول : بابا...بابا....هاي مش مواصفات الماما سكّته أبو العبد وقال له، اي اسكت بركي بيجيبولنا واحدة أحلى منها.
أبو العبد راح عند صاحبه الأمريكاني وهناك كان كلب الأمريكاني يحضر طاولة الاكل ويشتغل على أماكن المطبخ. الأمريكاني سأل البيروتي "عندكم متل هاد الكلب الذكي؟؟؟ قاله أبو العبد البيروتي"هاهاها الكلب يلي عنا بالشارع أذكى من هاد الكلب" طار عقله للأمريكاني و قال "ششو؟؟ انا هسا بدي روح على لبنان لشوف هاد كلب" بعد إسبوع إجا ابو العبد الأمريكاني على لبنان إستقبله أبو العبد البيروتي . الأمريكاني: "شو يا بيروتي !! فرجينا هالكلب الذكي!." البيروتي "طول بالك رح دقله على التلفون" بعد ما دق قاله انو الكلب مشغول شوي قال بيجي بعد ربع ساعة. خلصت الربع ساعة وما اجا الكلب. الأمريكاني "شو يا بيروتي وين الكلب؟؟" البيروتي ما بقدر يستنى .عيط للشباب وقاللهم:"يا شباب خدوا السيارة وجيبولي أي كلب بتشوفوه بالشارع . الشباب"يا أبو العبد ما في عنا كلاب بس؟" البيروتي: "بدي هسا كلب من تحت الارض" إجو الشباب معهن كلب جايبينه من المحجر الصحي كله شحم وزفت وجابوه ليشوفه الأمريكاني نط الأمريكاني وصرخ "شو هاد يا ـأبو العبد البيروتي؟؟الكلب كلو شحم وزفت ليش؟؟" أبو العبد البيروتي قال "كان عندو فك موتور جبناه بالزور".
أبو العبد مسطل ع الآخر وقف أبو صطيف وسأله، قولي بحياة أبوك….الرصيف التاني وين؟؟؟؟ أبو صطيف، هناك ع الناحية التانية ….أبو عبد، قبل شوي كنت هناك وقالولي انه هون.
أبو العبد كان يعمل إمتحان إنكليزي الأستاذ سأله، أبو العبد كيف بتقول لواحد إنكليزي تعا لهون؟ أبو العبد: بسيطة ،أقول come here الأستاذ : برافو أبو العبد، و كيف بتقوله روح لهناك ؟ أبو العبد، بسيطة بروح أنا لهناك وبقول له come here.
الو شرطة معكم أبو العبد، تفضل شو مشكلتك؟ لو سمحت فيه بنتين بتقاتلوا عليي، طيب وين المشكلة؟ البشعة عم تفوز.
أبو العبد وهو عم بنازع على فراش الموت، أم العبد بدي أطلب منك آخر طلب قبل ما موت... أم العبد، أطلب واتمنى، أبو العبد،بعد ستة أشهر من وفاتي بدي تتزوجي أبو صطيف، أم العبد، أبو صطيف؟ على علمي إنك طول عمرك ما بتحبو وبتكرهو لأبو صطيف؟ أبو العبد،ما مشان هيك بدي ياكي تتزوجيه بعد ما موت.
أبو العبد وأبو صطيف قاعدين بالقهوة... قال أبو العبد لأبو صطيف، شايف يا أبو صطيف هالصرعة الجديدة، هيدا يلي إسمو موبايل. أبو صطيف، شايف بالله، نحنا ما خلصنا بفواتير التلفون العادي حتى نلحق فواتير الموبايل. أبو العبد، والله، يا أبو صطيف ما إلنا غير نصير نستخدم الحَمام الزاجل أنا وإنت، ونتراسل بالحمام الزاجل متل ما كانوا يعملوا جدودنا من قبل، ولا فواتير ندفعها ولا بلوط. أبو صطيف: والله، فكرة حلوة يا أبو العبد وتاني يوم، صار أبو العبد وأبو صطيف يتراسلوا بالحمام الزاجل... هيك قرابة شهر. وبيوم من الأيام، قاعد أبو العبد على هالشباك، وإذ، إجتو حمامة! قال أبو العبد، هه، شكله أبو صطيف باعتلي رسالة مسك أبو العبد الحمامة، وصار يفتش فيها ويقلّبها - فتش بين رجليها، تحت جناحيها، ما لقى شي. فتش ببدنها، فتش بدنبها، كمان ما لقى شي ! فاستغرب، ومسك هالموبايل وأتصل بأبو صطيف: أبو العبد، أبو صطيف، باعتلي حمامة فاضية؟ أبو صطيف: ولِكْ لأ يا أجدب، هيدي معناها مس كول.
ابو العبد وابو اصطيف وابو عنتر قاعدين بقهوة عمينشدوا بولادهم، ابو اصطيف : انا ابني مرة ظل 5 دقائق تحت المي، ابو عنتر : انا ابني مرة ظل 10 دقائق تحت المي، ابو العبد : انا من سنة اخذت ابني عالبحر نزل تحت المي ولسا لهلق ما طلع.
مرة ابو العبد كان مسافر ع فرنسا فقلو ابو اصطيف بس بدك تحكي فرنسي بس حط on باخر الكلمة فراح عالقهوة . وقلو للبائع : لو سمحت عطيني واحد شايون فقلو الفرنسي pardon، فقلو ابو العبد لا حارون ( باردون _ بارد زائد اون).
ابو العبد كان عم يسوق الموتوسيكل وعمل حادث اخدوا على المستشفى، ابو صطيف و شباب قهوة القزاز راحوا يزوروه، ابو صطيف : شو يا ابو العبد كيف صار الحادث ؟ يا خيي ابو صطيف كنت عم سوق الموتوسيكل مبارح بالليل شفت ضوء موتوسيكلين جايين قدامي قلت لحالي : خليني مر بينهم طلع في واحد تالت بالنص مطفي الضو!!