سوف نستعرض في هذا المقال مجموعة من النكات الصعيدية الممتعة لإضفاء المرح على أوقاتكم.. تابعوا معنا..
واحد وقع عن السلم، راح للدكتور أداله مرهم، وقالوله ادهن مكان الإصابة، راح دهن السلّم.
واحد قال لأبوه بابا عاوز أكمل دراستي برا، قال وإيه المشكلة! قول لأمك تفرشلك في الحوش بس خد بالك لتبرد.
واحد بخيل راح يزور أمه في المستشفى لقى لوحة على الباب مكتوب عليها "ادفع" قال ربنا يشفيها هبقى أشوفها أمّا ترجع البيت بقى.
غبي جاتله رسالة حلوة قعد يضحك اتصل باللي بعتهاله، وقاله والنبي ابعتها تاني.
واحد فتح لزوجته باب السيارة فقالت له: ياه ما أجملك وأنت رومانسي، فقال لها: اتنيلي انزلي الباب مبيفتحش إلا من برا.
واحد شايل كيس سمك، لقي واحد مسطول قاله: لو حزرت إيه يلي في الكيس دا هديك منه سمكة، قاله: بحر.
واحد ميكانيكي اشترى سرير نام تحته.
واحد دخل بالغلط متحف للفن الحديث، وقف عند لوحة، وسأل واحد من المنظمين: إيه الشكل المرعب ده، هو ده الفن اللي بتسموه حديث؟ رد المنظم: دي مراية يا أستاذ.
واحد واقف قدام المراية ومغمض عينيه، مراته بتسأله: بتعمل إيه؟ قالها: بحاول أشوف شكلي إزاي وأنا نايم.
المدرس طلب من التلاميذ كتابة موضوع عن مباراة شافوها في كرة القدم، كل التلاميذ مشغولين بالكتابة إلا عوضين كتب جملة واحدة وقعد؛ "بسبب الأمطار تأجلت المباراة".
مرة واحد غبي سافر أمريكا كان معاه 5000 دولار كل ميجي يحجز في فندق يلاقيه مليان، نام في جنينة راح جالو واحد سرقه وحلقله شعره، صحي لقى الفلوس اتسرقت قعد يقول يلهوي بعدين بيحط إيدو على رأسه ملقاش شعر قال الحمد لله مش أنا.
مرة واحد نزل مصر لقى حمولة العربية 7 ركاب راح يجيب 6 من البلد يركبوا معاه.
سألوا واحد هاتعمل إيه لو رشو كيماوي؟ قال هاعمل نفسي نايم.
واحد لقى كنز راح دفنه جنب نخلة، وكتب عليها "مفيش هنا كنز".. فعدى حمدان جنب النخلة، وضحك ضحكة شريرة، وقال أكيد هنا فيه كنز، وحفر وطلعه، وبعدين شال اليافطة وكتب: "حمدان مخدش الكنز".
واحد غبي حب يموِت سمكة غرّقها في المية.
واحد غبي ومراته طلبوا قهوة في كافيتيريا بيقولها: اشربي بسرعة، قالتله: ليه؟ قالها: لأنك جاهلة ومابتعرفيش تقري، مكتوب قهوة ساخنة بـ 5 جنيه، وقهوة باردة بـ 10 جنيه.
مدرس إنجليزي بيقول لواحد محشش من الطلبة، لو قدامك واحد أجنبي وعايز تقوله تعال، هتقوله إيه؟ الطالب: هقوله كام هير، الأستاذ: ولو عاوز تقوله ارجع تاني، الطالب: هلفله من الناحية التانية، وأقوله كام هير.
جماعة مساطيل قاعدين في مكان مفتوح من ناحيتين، بعتوا واحد منهم يدور على كبريت، لف ودخل من الباب التاني، وقلهم ألاقي معاكو كبريت؟ قالوله تعال اقعد لسه باعتين واحد يجبلنا.
واحدة بتقول لجوزها عمرك ما قلت لي كلمة تحسسني إن أنا مراتك، قالها أنت طالق.
طبيب بقول للمريض: أسنانك بحاجة لتقويم، قال المريض: هجري ولا ميلادي؟
واحد بيقول للتاني: عيني اليمين واجعاني قوي يا بوي، وكل ما افتحها أشوف نقط سودا، قال له: طيب شفت دكتور عيون؟ قال له: يا بني آدم باقول لك شوفت نقط سودا.
واحد مسطول راح ماكدونالدز، وقال لهم عندكم حلقات بصل؟ قالوا له أيوه، قالهم ادوني الحلقة الأخيرة.
مرة واحد كان عايز يسافر فرنسا ومش بيتكلم فرنساوي راح لصاحبه وقال له أنا عايز أسافر فرنسا أتكلم فرنساوي إزاي؟ صاحبه قاله الفرنسية سهلة جدًا كل ما تقول كلمة ضِيف عليها (و)، راح فرنسا ودخل مطعم وقال للجرسون أريدو واحدو رزو وواحدو لحمو فقال الجارسون "باردو" رد عليه: لأ "سخنو".
مرة واحد في الحرب جتله رصاصة تحت باطه مات من الضحك.
واحدة رماها زوجها من الدور الثالث طلعتله، وقالت له بلاش الهزار التقيل ده.
واحد ماسك ثلجة وقال: بس أموت واعرف بتنقط منين؟
مرة واحد قابل واحدة أجنبية سألها إنت منين؟ قالت له: وات؟ قالها أجدع ناس الوتاوتة دول.
واحد عربي وواحد أمريكي وواحد ياباني تايهين في الصحراء بقالهم ثلاثة أيام، وفجأة ظهر لهم الجني وقال كل واحد فيكم ليه طلب واحد بس، الأمريكي قال عايز أروح بلدي، ونفذله الجني طلبه، الياباني قال عايز أروح بلدي ونفذله الجني طلبه، راح العربي قاله واه هما سبوني لوحدي هاتهم لي تاني.
فيه واحد حب واحدة أتجوز أختها علشان يضمن يشوفها كل يوم.
واحد بيقول لصاحبه بالي مشغول من إمبارح يا هريدي قاله أكيد حد رافع السماعة.
واحد غبي بنى بيت من ثلاثة أدوار عمل العمدان في الدور الثالث بيسألوه؛ ما عملتش العمدان من الأرضي ليه؟ قال أرمي فلوسي في الأرض.
واحد مسطول عنده أرق ومش عارف ينام، صاحبه قاله عندي لك طريقة للنوم مؤكدة، عد من واحد لـ 500، راح مكدبش خبر وأول ما الدنيا ليلت راح للسرير وبدأ يعد.. واحد.. اثنين.. ولما وصـل إلى ميه تسعة وتسعين جاله النوم قام غسل وشه ورجع للسرير يكمل العد.
مرة أربع شياطين مجتمعين على غبي؟ واحد يوسوس له وثلاثة يفهمونه.
واحد مسطول عنده عربية كحيان ركنها جنب بيت مهجور، ولما سألوه عمل كده ليه قال لهم أنا عايز عربية شبح.
نمر يركض خلف سيارة، سألوا رجل غبي، تفتكر بيعمل كده ليه؟ قالهم بيعاكس النمرة.
للمزيد من التسلية يمكنك الاطلاع على المقالات التالية؛ نكت تونسية، ونكت سعودية.