تصف النكت بعض المواقف الحياتية بأسلوبٍ طريفٍ ومضحكٍ، لذا سوف ننقلك في هذا المقال إلى عالم من المزاح والضحك والمرح في مجموعة منتقاة من النكت العربية المضحكة والمسلية.
بخيل اشترى نصف كيلو تفاح عض التفاحة الأولى لقاها مسوسة، وعض الثانية لقاها مسوسة، قام طفى الكهرباء وأكل الثالثة.
واحد نذل متزوج وحدة قصيرة، كل ما تزعله بيرفعلها مكياجها فوق الثلاجة.
مرة واحد فاشل دخل الامتحان طلع دايخ ليه؟ كاتب الغش على المروحة.
مسطول راح لدكتور الأسنان، قاله الدكتور أسنانك بدها تقويم، قاله المسطول: بسيطة بس قلي هجري ولا ميلادي يا دكتور.
واحد سأل بياع خضرة عندك فاصوليا خضراء؟ قاله لا، قاله طيب شو الألوان يلي عندك؟
مرة أستاذ كيمياء خلف ولد سماه سامي أكسيد الكربون.
محشش راح مطعم قالهم عندكم حلقات بصل؟؟ قالوله آه، قالهم تمام أعطوني الحلقة الأخيرة.
وحدة ماشية في جنازة زوجها وبتضحك سألوها ليه بتضحكي؟ قالتلهم لأني أول مرة بعرف هو وين رايح.
ثلاثة مساطيل ركبوا طيارة هيلوكوبتر حسّوا بالبرد قاموا طفوا المروحة.
واحد اسمه نادر تزوج وحدة اسمها نادرة جابوا ولد سموه مهدد بالانقراض.
سكران سأل أخوه ليش أنت أصلع؟ قال من الزمن، قال لا عاد تحلق عنده.
محشش قبل لا يموت قال تبرعوا بكل أعضائي إلا المخ، سألوه ليش؟ قال: معلش الذاكرة فيها صور عائلية.
طالب خرج من الامتحان أول واحد ليش؟؟ عشان أبوه حكاله بدي إياك تطلع الأول.
مرة واحدة بتقول لجارتها الحقيني يا أم محمد بعثت جوزي يجيبلي ملوخية دعسته سيارة، قالت لها يا لهوي وشو عملتي.. قالت عملت بامية وأمري لله.
واحد بخيل راح يزور أمه في المستشفى، لاقى مكتوب عالباب ادفع، راح لف ورجع وقال بروح أزورها بالبيت لما ترجع.
محشش رمى تلفونه من البلكونة، نزل لقاه مكسر قال: غريبة مع أني مشغل وضع الطيران.
محشش انسرق تلفونه بلغ الشرطة قالوله: ولا يهمك بنطلعه ولو من تحت الأرض، وهو راجع عالبيت شاف في الطريق عمال بحفروا قالهم: شدوا حيلكم هو جالكسي لونه أسود.
شو الفرق بين الفيل والنمل؟ الفيل رجله تنمل، لكن النملة رجلها لا تفيّل.
ليه الأرنب بيخاف من القهوة؟ عشان فيها السحلب المكار.
واحد عربي اشتغل سواق تاكسي في الصين، كل ما صيني يأشرله يقله ولك مش قبل شوية نزلتك؟
مسطول قالت له أمه وقف عند الباب ولما تيجي جارتنا تسأل عني قول لها أمي مو هون، اجت الجارة سألته أمك في البيت قلها لا راحت الجارة، قالت له طيب إيمتا بترجع، قلها ما بعرف فوتي اسأليها.
واحد محشش سأل صاحبه شو يعني مشاعر مختلطة؟ رد عليه: يعني تشوف واحد بتكرهه وقع من الطابق العاشر على سيارتك الجديدة، وقتها ما بتعرف تضحك ولا تبكي.
واحد بيسأله دكتور العيون: ها خير من شو بتشكي؟ قاله: والله يا دكتور بطلت أشوف المصاري.
مرة واحد بخيل اشترى تليفون جديد حطه في جيبه اللي وراء ونسي وقعد على كرسي، راح سمع صوت إشي انكسر قال يا رب العمود الفقري.
مرة واحدة محشش راح لجدته لقاها راسمة حنة على إيديها، قالها الله يكون في عونك إيدك بدأت تصدّي.
مرة واحد تهاوش هو ومرته بالليل وما بحكوا مع بعض، حطلها ورقة جنب السرير قالها صحيني الساعة ستة ونص الصبح، صحي الصبح الساعة عشرة ولقى جنبه ورقة مكتوب فيها اصحى الساعة ستة ونص.
واحد بيشتكي لصاحبه بيقوله أنا ما فيش حدا بحبني ولا بتذكرني أبدًا، ومش عارف شو أعمل، قاله سهلة استلف من الناس مصاري ورح يسألوا عليك كل يوم.
واحد محشش قاعد في عزاء أبوه ويعيط يعيط، رن تليفونه فقفل التليفون وقعد يعيط أكثر من الأول، الناس استغربوا وسألوه: شو يلي بيخليك تعيط هيك؟ قال لهم أختي كمان أبوها مات.
كسلان دخل الامتحان وقع منه القلم، راح سلّم الورقة.
مرة مدرس رياضيات خلف ولدين واستنتج الثالث.
مرة همبرجر وبيبسي وبطاطس بيركضوا في الشارع ليه؟ عشان وجبات سريعة.
واحد أهبل جزمته انقطعت راح خيطها، وبعد أسبوع لقاها كويسة فك الخياطة.
واحدة بتقول لجوزها اطرد السواق كان رح يموتني مرتين في حادث، قال لها خلينا نعطيه فرصة ثالثة.
محشش بيسأل محشش الثعلب بيولد ولا ببيض، قاله الثعلب مكّار لازم نتوقع منه أي شي.
محشش راح يخطب وحده، قالوا له حاليًا البنت بتدرس، قال: ماشي برجع بعد ساعة.
محشش سأل صاحبه المحشش: شو أخبار أبوك؟ بعدين تذكر إنه أبوه ميت فكمل بسرعة قال: لسه في نفس المقبرة ولا نقلتوه؟
مرة واحد جبان بده ينط من الطابق العاشر، قام نط من الطابق الخامس مرتين.
مسطول دخل على سوبر ماركت وطلع يضحك، سألوه مالك؟ قالهم ضحكت عليه أعطيته دينار وما اشتريت شي.
محشش اسمه سالم، زعل من بيته وفكر يسافر، وهو رايح عالمطار شاف لوحة مكتوب فيها "ارجع لنا سالم"، رجع بيته يبكي ويقول طيب ليه زعلتوني.
محشش قاعد يحضر مباراة ريال مدريد، سمع المذيع بيقول فاول لصالح رونالدو، قال ياااه أول مرة بعرف إنه اسم رونالدو الأول صالح.
واحد تايه بسأل مسطول شو أسرع طريق أروح فيها على المستشفى؟ قاله غمض عينيك وعدّي الشارع.
محشش اتصل على مطعم قال عندكم عشاء؟ قالوا آه، قال ليش ما عزمتوني؟
محشش سأل أخوه كم الساعة؟ قال مدري؟ قال غريبة أنا عندي مدري إلا خمسة.
مرة واحد باله طويل أرسله للخياط يقصره.
محشش واقف عند باب بيته، ومرت الشرطة سألوه: أنت من أهل البيت؟ قالهم: لا من كفار قريش.
مرة واحد بخيل كان ياكل فستق، قالت له زوجته أعطيني، عطاها حبة وحدة قالت له حبة بس، قال كلهن نفس الطعم.
مرة واحد تزوج وحدة حولا قال لها ليش ما تتكلمي! قالت مستحية من يلي جنبك.