أستاذ سأل واحد من التلاميذ، لماذا يدق القلب؟ قال، عشان ترقص المعدة.
أستاذ بسأل طلابه، مين فتح الأندلس؟ الطلاب جاوبوا بإرتباك، والله مش احنا.
أستاذ سأل طلابه، ما هي الكلمة التي يستخدمها الطلاب عند السؤال، لا أعرف، ممتاز إجابة صحيحة.
أستاذ بسأل الطلاب ماذا فعل الرومان عندما عبروا البحر المتوسط؟ ، جففوا ملابسهم.
طالب بسأل أستاذه، الإنسان بتعاقب على إشي ما عمله، لا طبعا، تمام أنا ما حليت الواجب.
أستاذ بسأل طلابه ما الذي يسبب التوتر وتزايد ضربات القلب؟، أسئلتك يا أستاذ.
طالب طلع من الإمتحان أول واحد ليش؟ أبوه قاله بدي ياك تطلع الأول.
مره مدرس كيمياء إجاه ولد سماه سامي أكسيد الكربون.
مره طالب كسول كثير دايما بحاول الإستاذ يشجعه و يشارك و يدرس، بيوم من الأيام الطالب رفع إيده على أساس يشارك، فرح الإستاذ قال تفضل إيش بدك؟ أستاذ ممكن أروح الحمام؟.
مره مدرسة سألت طالبة شو إسمك؟ إسمي أمل. سالت طالبة ثانية إيش إسمك؟ أمل، ما شاء الله خوات؟
مره أستاذ لغة عربية وقع ابنه رفعه بالضمة.
مره أستاذ سأل طالب، الثعلب يلد أم يبيض؟ قاله الثعلب مكار توقع منه أي إشي.
مره أستاذ قال للطلاب يعطوه أسماء ثلاث زواحف، طالب قال أبو بريص و أم بريص و بريص الصغير.
مره أستاذ سأل طالب، ما معنى كلمة سبيل؟ طريق يا أستاذ، ممتاز و إيش معنى سلسبيل؟ طرطريق.
مره أستاذ سأل طالب، كم عمر أبوك؟ قاله والله ما بعرف بس هو عنا من زمان.
مره مدرس سأل طالب،لماذا سميت قناة السويس بهذا الإسم؟ ، رد عليه أحد الطلاب لأن السفينة تمشي فيها بسويس.
أستاذ قال للتلاميذ يكتبوا موضوع إنشاء يتخيلوا فيه أنفسهم مدراء لإحدى الشركات بدأوا الطلاب بالكتابة غير طالب واحد سأله الأستاذ ليش ما بتكتب قال بستنى فالسكرتيرة تجيبلي الورق.
سأل أب ابنه يلي رسب بالسنة لثانية على التوالي، ليه رسبت؟ قال جابولنا نفس أسئلة السنة الماضية.
فيه واحد غبي قال له ولده يبه جب لي مدرس خصوصي! قال الأب إذا نجحت.
مره طالب قال لأمه، الإستاذ سألني مين فتح قناة السويس ف قلتله ما أعرف وضربني، قالتله الأم، أعرفك و أعرف شقاوتك أكيد إنت يلي فاتحها.
مره أستاذ كان بشرح في درس التجمد، سأل طالب إذا فتحت الصنبور في بيتك و ما نزل مي شو بعني؟ إنه أبوي ما دفع فاتورة المي.
مره أستاذ بسأل طالب ليش سمي البحر الأسود بهاد الإسم؟ لأنه حزين عالبحر الميت يا أستاذ.
مره مدرس بسأل طالب أين ولد المتنبي؟ ولد بالصفحة 34 .
مره طالب بحكي لأمه، أستاذ العلوم ما بيعرف إشي عن العلوم، سألته إمه، كيف عرفت؟ قال لأانه هو دايمًا بسألنا ونحنا منجاوب.
مره طالب بسأل أبوه، بتقدر تكتب بالظلام؟ قاله بقدر، قاله طفي الكهرباء و وقع على شهادتي.
أستاذ بسأل الطلاب، ليش المي بس تغلي بتطلع صوت؟ لأنه الجراثيم بتطلب النجدة يا أستاذ.
سأل أستاذ طلابه، إيش ممكن يصير لو إختلط البحر الأحمروالبحر الأبيض؟ بنتج البحر الوردي.
مره معلم بسأل طلابه، ليش القطار مهم؟ لأنه تحته خطين.
مره أستاذ سأل طلابه كيف يتكون الندى؟ عندما تدور الأرض تتعب وتعرق ويتكون الندى.
مره استاذ بسأل طلابه، ما تعريف الصخور الرسوبية؟، هي الصخور التي لم تدرس طوال السنه.
مره أستاذ بسأل طالب، إيش يلي بعجبك بالمدرسة؟ الجرس يا أستاذ.
مره أستاذ بسأل طالب، متى يحدث الزلزال؟، في الشتاء، لماذا؟ لأن الأرض رح تشعر بالبرد فتعطس.
مره أستاذ بسأل طلابه، بتعرفوا مين هو المنافق؟ كلهم حاوبوا بنفس الوقت، هو يلي بدخل المدرسة وهو فرحان.
مره ثلاث طلاب تأخروا عن الحصة الأولى سألهم الأستاذ ليش تاخروا، الأول قال أنا كنت بدور على خاتمي كان ضايع، الثاني قال انا كنت معه بدور على الخاتم، الثالث قال أنا يلي كنت داعس على الخاتم.
مره فيه طالب كان بتطلع على الباب، سأله الأستاذ ليه بتطلع عليه؟ قاله اشوف الإمتحانات على البواب.
إيش الفرق بين الطالب الغبي كثير والغبي شوي؟ الطالب الغبي كثير بكتب ورا الأستاذ و بمحي بس يمحي الأستاذ، أما الطالب الغبي شوي ما بكتب من ورا الأستاذ مباشرة لأنه بيعرف إنه رح يمحي.
مره استاذ بسأل الطلاب، أين تم توقيع هذه الوثيقة؟، في الصفحة الأخيرة يا أستاذ.
مره أستاذ سأل طالب سؤال والطالب ما بيعرف جوابه، قاله ممكن أخذ رأي الجمهور يا أستاذ.
مره مدرس جغرافيا جاب لزوجته في عيد ميلادها سلسلة جبال.
مره أب بسأل أستاذ، ليش ضربت ابني؟؟، قلت لابنك يكتب كلمة فيل و ما عرف يكتبها، الأب عصب قال كيف ولد بالصف الأول يكتب فيل؟؟ احكيله يكتب حمامة عصفور بس مش إشي كبير مثل الفيل.
قال مدرس العلوم وهو يشرح الدرس لتلاميذه ، إن الزواحف جميعها لها اسنان بينما الطيور ليس لها اسنان، فرد الطالب، إذا جدتي من الطيور لأن ليس لها اسنان.