احتفظت لنا الآثار المصرية القديمة بأقدم صور الكاريكاتير في العالم كله، التي تعكس خفة ظل المصري القديم، وميله إلى نقد الأوضاع المحيطة به، سواء السياسية أو الاقتصادية أو الاجتماعية بأسلوب فكاهي.
واحد رخم نزل الشارع ملقاش حد يرخم عليه! قام وقف قدام العمود وقالو عدينی.
السلاحف لما بتقع في مصيبه بتدعي تقول ايه ؟ يا رب نينچا منها ع خير.
خبير أرصاد جوية خلف بنتين.. الكبرى ٢٥ والصغرى ١٥.
واحد قاعد يحمد ربنا انه مش صيني.. واحد قاله ليه كده؟! قاله انت غبي انا معرفش ولا كلمه صيني.
واحد سعودي دخل يحلق عند مصري.. كل ما يقوله تمام.. يقوله والله ما قصرت.. يحلقله تاني
واحد مصري بيقول لصاحبه أنا بالى مشغول من امبارح.. قاله اكيد فيه حد رافع السماعة
سألوا محشش مين أحسن الشمس ولا القمر؟ رد المحشش: القمر طبعا، لانه بيطلع بالليل ينورلنا الضلمة إنما الشمس بتطلع بالنهار والنور موجود أصلا
واحد راح عند دكتور أسنان، وقاله أنت محتاج تقويم.. فقاله ويا ترى هيكون هجري ولا ميلادي.
طالب في اختبار مادة الكيمياء وجاء سؤال عن ما هو الشيء الذي لا يذوب في الماء.. فأجاب السمك.
سأل مدرس طالب وقاله هو الثعلب بيولد ولا بيبيض.. فرد عليه قاله الثعلب مكار أصلًا وتتوقع منه يعمل الاتنين.
واحد سأل صاحبه عارف أي هو أوفى مخلوق على الأرض؟ فقاله الكلب.. رد عليه قاله لا النملة اللي مات جوزها الفيل.. وفضلت طول حياتها تدفن فيه.
قبضت الشرطة على واحد علشان بيزور الفلوس.. فقالهم عرفتوا منين أني بزور الفلوس.. فقاله وهو في ورقة واحدة 65 جنيه مصري يا أهبل.
راح طفل لأبوه وقاله أنا عايز مدرس خصوصي في البيت.. فرد عليه أوعدك لو نجحت السنه دي هجيبلك واحد.
سأل مدرس تلاميذه في الفصل ماذا فعل الرومان بعدما تخطوا البحر الأبيض المتوسط؟ فرد عليه تلميذ أنهم ظلوا واقفين حتى يستطيعوا تجفيف ملابسهم المبللة.
واحد بيلعب بالقنبلة وبيحدف من ايده اليمين لايده الشمال فجي واحد تاني يقوله خلي بالك لتنفجر فيك.. فرد عليه متخافش يا عم أنا معايا واحدة تانية.
واحد راح الصين، واشتغل سواق تاكسي، وكل ما حد يوقفه علشان يركب يقوله مش أنا لسه منزلك من شوية.
واحد كان بيتكلم مع صاحبه، وقاله أنت عارف أن في 3 أنواع من الهم.. فرد عليه أيه هما؟ فقال في هم يبكي وهم يضحك وهم يا جمل.
راح سواق توك توك يحط بنزيل للتوكتوك بتاعه فلقى عربية بتمول خمسين لتر، ومقطروة في الناحية التانية بتحط 200 لتر.. فقال للراجل اللي شغال في محطة البنزين هاتلي يا بني أمبوبة.
واحد حب يعمل مفاجأة لمراته في يوم عيد ميلادها قام رامي عليها يمين الطلاق.
اتنين محششين قاعدين مع بعض، فقال واحد منهما أيه هو اسم الدولة الأوروبية اللي لو حطينا على آخر حرف نقطة تبقي اسم عالم ذرة؟ فقاله لا مش عارف.. رد عليه وقاله الدولة هي قطر ولو حطينا نقطة هيبقى العالم قطز، فرد عليه قاله وهو قطز دا عالم ذرة أصلًا، قاله يعني هي قطر دولة أوروبية!
واحد مسطول وهو في امتحان رفع ايده، وقال للمراقب انا عايز استعين بصديق أو أحذف إجابتين.
كل يوم ست تصحى جوزها، وتقوله اصحى في صوت في البيت أنا خايفة ليكون في حرامي.. فقالها الحرامي لما بيدخل البيت مش بيعمل صوت، وتاني يوم صحته وقالتله اصحى دا مفيش صوت أكيد في حرامي في البيت.
واحدة راحت تخطب لابنها، وأهل العروسة سألوها هو ابنك بيدخن سجاير؟ قالت لا أبدًا إلا لو كان سكران بس.
اتنين صحاب واحد حرامي وواحد ندل اتفقوا كل واحد يعلم التاني صنعته، فراحوا الاتنين مع بعض اتوبيس وقام الحرامي سرق محفظة من راجل وبص لصاحبه وقاله اتعلمت السرقة؟ قاله أه، فرد عليه التاني يلا علمني الندالة بقا قاله عنيا.. ونادى على الراجل وشاور على صاحبه وقاله الراجل دا سرق محفظتك.
واحد متخانق مع مراته راح كتب لها صحيني الساعة 6 الصبح علشان أروح الشغل، وحطها جمبه على السرير.. صحي من النوم لقى أن الساعة 10 ومراته كتباله على ورقة الساعة 6 يلا إصحى.
واحد بخيل ابنه جي من المدرسة بيقوله بابا بابا بابا، فرد عليه في ايه؟ ما تقول بابا مرة واحدة ملهاش لازمة تقولها كتير.
مدرس سأل الطلاب في الفصل تعرفوت ليه القلب بيدق؟ فرد واحد منهم علشان باقي الأعضاء ترقص يا مستر.
قال محشش لصاحبه من يومين شفت البطاطس والبرجر والبيتزا بيجروا في الشارع تعرف ليه؟.... قاله علشان هما وجبات سريعة.
مرة بخيل قاعد بيسمع محطة الراديو عن حفلة خيرية... ووقت لما قالوا دلوقت هنجمع التبرعات... راح قافل الراديو بسرعة.
مرة اثنين بلدياتنا حبوا يسرقوا بنك قاموا سرقوا بنك الدم.